【明報專訊】香港眾志秘書長黃之鋒因衝入政總東翼前地（俗稱公民廣場）案被改判即時入獄，佢爸爸黃偉明噚日接受商台訪問，形容個仔自細已經唔容易妥協、堅持信念，透露黃之鋒讀中學時，由於學校飯堂啲嘢「唔好食」，喺facebook設立專頁抗議，最後要見校長，當時自己同太太都好支持個仔，而呢次係佢印象中阿仔第一次關注公共事務。