【明報專訊】因為一幅外國男士手瓜紋上「劉慧卿」三個字嘅紋身相，民主黨前主席劉慧卿（卿姐，圓圖）噚日成為網上熱話，但卿姐一於好少理，繼續喺現實世界做實事。原來卿姐今日會以「亞洲自由民主聯盟」代表團成員身分飛抵菲律賓，探望曾批評總統杜特爾特血腥掃毒、後被當局以販毒罪名長期拘留嘅參議員德利馬。卿姐3日行程會同當地傳媒、人權組織同反對黨會面，爭取當局釋放德利馬。