【明報專訊】一年一度嘅香港電腦通訊節今日起一連4日喺灣仔會展開幕，相信係一眾科技迷嘅入貨良機。Emily噚日去咗電腦節嘅傳媒預覽，見已經有6、7人排隊，佢哋大部分都係想搶到美國智能科技產品商AVITA出售嘅指定型號手提電腦。呢部電腦來頭唔細，機身最薄5毫米，重量1.37公斤，電池耐力可長達10個鐘，AVITA話呢部電腦原價5990蚊，今次只喺開幕日以會場優惠價825蚊賣畀頭10個到佢哋展區嘅市民，難怪有人通宵排隊等買啦。