【明報專訊】石永泰同梁家傑（傑哥）兩名大律師公會前主席，噚日喺香港電台《視點31》深入討論近日嘅覆核刑期案，兩人睇法雖然唔同，其間大家都平心靜氣君子交流。石永泰提到，佔中發起人之一戴耀廷將佔領運動處理得唔好，喺2014年後「講嘢都無人聽」，並笑住同傑哥講「其實你講嘢都無咩人聽」。傑哥無發火，反而苦笑話「啱呀」，之後仲自嘲，話「嗰陣後生仔話我老屎忽，話我廿幾年都做唔到嘢」。