【明報專訊】特首林鄭月娥將於10月公布任內首份《施政報告》，當然會見吓唔同政黨、團體，聽吓佢哋有咩建議，噚日新民黨見完林鄭後就同傳媒見面，佢哋亦有出位建議，包括提出要促進中港融合，建議中央畀香港人加入外交部工作，參與國家建設，更建議解放軍畀港人自願投軍，接受軍訓，增加對國家嘅歸屬感。