【明報專訊】勞工及福利局長羅致光（CK）上星期到柬埔寨訪問3日，跟進安排柬籍家傭來港工作嘅籌備情况，佢噚日發表網誌總結行程之餘，亦發表「食評」，話第一晚飛抵首都金邊時，食咗一餐當地著名嘅柬埔寨菜，令佢留下好好嘅印象。CK話自己唔嗜辣，所以柬埔寨嘅酸湯比泰國冬蔭功更啱胃口，以芭蕉花做嘅沙律好有特色，燒雞亦好啱中國人口味。