【明報專訊】今年係香港回歸20周年兼中華人民共和國成立68周年，國慶籌委會一如既往，準備10月頭喺紅館大搞慶祝活動。籌委會噚日舉行成立大會，成員名單星光熠熠，足足有683人，主席團主席包括全國政協副主席董建華同梁振英、范徐麗泰、李嘉誠等政商名人。而啱啱上任嘅新特首林鄭月娥，就自然增補成為主席團名譽主席，同中聯辦主任張曉明、外交部駐港特派專員謝鋒等並列齊名。