【明報專訊】政府仲未公布新一屆嘅副局長同政治助理委任名單，不過部分人選已經曝光，其中民建聯中西區區議員蕭嘉怡將會擔任政治助理，據了解原本係民政事務局長劉江華搵佢入去嘅，但近日最新變化係佢將會轉做政務司長張建宗嘅政助；至於自由黨中西區區議員陳浩濂亦極可能加入政府，擔任財經事務及庫務局副局長。兩人入政府嘅話都要辭去區議員議席，引發補選，建制陣營就預料蕭嘉怡一席有可能輸，落番泛民手上。