【明報專訊】書展踏入第二日，專欄作家屈穎妍噚日就出席咗一個名為《回歸20年——香港浴火重生》嘅論壇。佢喺論壇上話，近日DQ事件，仲有《壹週刊》賣盤，都令人感到興奮，形容「小鳳姐成日都出場」。佢又呻學校覺得佢同共產黨有關，唔敢請佢去講座，喺台下聽講座嘅陳玉娥（娥姐）就舉手發言，鼓勵屈「唔應該縮埋」，引嚟全場掌聲。