【明報專訊】月初特首林鄭月娥首次出席立法會答問大會，Emily見到行會新貴、安老事務委員會主席林正財（圖）特登現身撐場，但就畀傳媒影到佢不停用手提電話，好似唔係好專心咁噃。林正財噚日接受港台節目《舊日的足跡》時就解畫，話「一心幾用」係佢特色，「個腦好似有幾間房，可以同一時間各自開會」，林醫生多次強調當日真係有聽林太講嘢，事後仲send咗個message畀林太。