【明報專訊】運輸及房屋局長陳帆（右）早前去深水埗落區，政府新聞處其後喺facebook報道時，用「梵哥」稱呼陳帆，引嚟打錯字疑雲。陳帆噚日喺立法會會議廳外被問到呢件事，佢解釋話係自己貪得意嘅諗頭，因為佢唔想叫自己做局長，但又唔想用個「帆」字，所以索性叫「梵哥」，佢更講笑話擔心著名藝術家梵高會喺夢中搵佢。原來陳帆喺唔同人面前都有唔同稱呼，佢透露長輩會叫佢全名，阿婆會叫佢「帆仔」，年輕一輩就叫佢「帆哥」。