【明報專訊】你鍾意食牛油皮定酥皮蛋撻呢？立法會議員容海恩（Eunice）就答你唔到，並反問：「牛油皮同酥皮係咪一樣？」講緊嘅係香港青少年領袖發展協會「香港模擬立法會」嘅宣傳片，佢哋搵嚟多個立法會議員拍片，其中Emily覺得Eunice答唔出自己鍾意食牛油皮定酥皮蛋撻一段最爆笑，佢仲笑笑口問主持人牛油皮「係用牛油搭出嚟？」網民睇完都畀「哈哈笑」，仲叫大會唔好問啲咁難嘅問題啦。