【明報專訊】相信唔少打工仔都覺得，每月供強積金都好似唔見咗嚿錢咁，好似供嚟供去都無乜進帳，強積金早前就喺「滾續達人」facebook專頁推出短片，講複息效應喺儲蓄同投資上嘅威力。講呢啲題目未必有趣，但短片就搵咗有「四眼Cue后」之稱嘅世界女子桌球錦標賽冠軍吳安儀，以及YouTuber司徒夾帶同魔術師Miss Hunny幫手拍，似乎都成功吸睛。