【明報專訊】青年新政游蕙禎及梁頌恆嘅議席懸空至今，雖然未知幾時補選，但各黨已蠢蠢欲動，尤其喺立法會無議席嘅民協，對九龍西席位虎視眈眈。老將馮檢基同區議員何啟明早排都向黨友表明決心，想代表民協出選，本身民協計劃下月搞初選。令人大跌眼鏡嘅係，民協初選噚日提名期最後一日，何啟明喺facebook宣布，自己唔會參加黨內初選，希望維護黨內團結為先，希望大家諒解。