【明報專訊】唔少區議員會邀請歌手為地區演唱會獻唱聯誼，選委會委員方保僑噚日喺facebook上，貼出一張喺荃灣大會堂影低、荃灣區議員鄒秉恬嘅演唱會海報相片，演唱會名為「鄒秉恬議員1/4世紀情懷暨五月天母親金曲演唱會」。咦，「五月天」貴為台灣知名樂隊，咁鄒秉恬所指嘅「五月天母親」究竟係邊一隊表演組合，定係指喺5月搞嘅慶祝母親節演唱會？Emily噚日透過鄒秉恬助理詢問演唱會詳情，至截稿前未有回覆。