【明報專訊】出爐金像影后惠英紅前晚在台上獲獎爆喊，之後出席英皇電影慶功宴時繼續感觸落淚，含淚多謝傳媒、老闆楊受成及導演羅耀輝。小紅說﹕「多謝你哋對我咁好，我唔係最紅嗰個，多謝你哋！」身旁任達華及溫碧霞上前吻賀，電影《喵星人》主角跪地獻花，小紅high爆說斗零唔收再拍羅耀輝的電影，並大讚楊受成是無得頂的老闆，之後更隊香檳賀封后。