【明報專訊】青年新政游蕙禎及梁頌恆於上年宣誓風波後被褫奪議員資格，兩個議席懸空至今，雖然政府仲未公布幾時會舉行新界東同九龍西嘅補選，但各政黨已蠢蠢欲動，其中喺立法會無晒議席嘅民協，有意喺九龍西捲土重來，民協主席施德來證實，去年參戰「超級區議會」嘅何啟明，以及轉戰新界西失敗嘅馮檢基，都已向黨表態有意出戰九龍西補選。