【明報專訊】一年一度嘅「香港潑水節」，將於星期日（4月9日）喺有「小泰國」之稱嘅九龍城一帶舉行，主辦機構噚日用開篷巴士宣傳。當日下晝12點半起，將有200名身穿泰國傳統服飾嘅「古色仙女」巡遊，由賈炳達道公園出發，途經城南道、衙前圍道、南角道，再返回公園，巡遊完結後就代表潑水節正式開始，市民可以喺城南道街頭一帶「水戰」，向途人「潑水」，屆時多間餐廳亦會提供水源畀市民「激戰」；賈炳達道公園當日下午亦有泰國舞蹈、泰拳同樂隊表演等。