【明報專訊】財政司長陳茂波今年初上任無耐，打算修葺司長官邸，要花費花83萬元，引起社會爭議。建築署近日回覆立法會議員查詢，披露由2012/13起嘅5個財政年度（截至今年2月），特首官邸、即係禮賓府共花2977萬元修葺，開支遠超三司官邸。政務司長、財政司長同律政司長官邸，就分別花咗375萬、79萬同190萬元，但財政司長官邸嘅修葺開支數字，未有包括文首提到嘅83萬元。