【明報專訊】手工粉果同燒賣買少見少，喺大埔廣福邨有一個車仔檔就以手工粉果同燒賣馳名，陪伴大埔街坊逾30載。由炒蝦米、炒沙葛，以至搓粉果皮，都係由78歲嘅王伯包辦。可惜車仔檔𠵱家身處嘅「冬菇亭」舖位，要3月底交還畀領展，王伯只營業到今日咋。結業嘅消息吸引咗大批街坊噚日前來回味，王伯好感謝街坊嘅賞識，歎道「如果政府肯保留呢啲懷舊味道就好喇」。