【明報專訊】特首候選人曾俊華昔日宣讀財政預算案時，鍾意喺結語借歌詞抒發感受，呢個風格似乎沿用到特首選舉。佢噚日喺facebook上載一段《杜sir飯局》影片，片中同導演杜琪峯、森美、自由黨田北俊及時事評論員李鵬飛等友好一齊食飯論政。薯片喺片尾用結他彈奏許冠傑嘅《浪子心聲》，一眾嘉賓合唱「難分真與假，人面多險詐……命裏有時終須有，命裏無時莫強求」。