【明報專訊】繼美食車後，由私人公司推出嘅全港首架觀光巴士餐廳「水晶巴士」今日起營運，Emily噚日先睹為快。全車可載47名乘客，上下層分別設有30個同17個座位，並且設有餐枱，提供米芝蓮餐廳點心、中西菜式等，令乘客沿途可一邊睇風景一邊食好嘢。車廂內裝修豪華，配備高級音響，車身以銀色同灰色做主調，並貼上閃爍裝飾，下個月底仲會喺車廂內貼上幾萬粒水晶，令部車「閃上加閃」。