【明報專訊】特首候選人林鄭月娥日前形容網民對佢支持者嘅批評係「白色恐怖」，對手曾俊華噚日喺facebook上載短片隔空出招，喺鏡頭前讀出網民對自己嘅「mean（刻薄）」留言，並逐一回應。有網民形容佢「真係好似巴黎聖日耳門」，即係上星期喺歐聯足球16強賽事，於首回合領先西甲球隊巴塞隆拿4:0下，次回合反輸1:6出局嘅法甲球隊。曾俊華笑住回應，話只要個球證夠中立公正，贏輸都唔緊要。