【明報專訊】特首參選人林鄭月娥星期二情人節喺facebook上載老公林兆波寫嘅情信，信中提到原本唔贊成林鄭參選係基於「自私」，但最終私心軟化，變成鼓勵、支持，信中又話「期望妳能成功當選並在新崗位上為香港市民努力工作，為落實一國兩制作出貢獻」，令唔少網民質疑，點解情信會寫一國兩制？林鄭競選辦公室噚日就嚴正聲明，呢封信完全出自林兆波手筆。