【明報專訊】今日情人節，特首參選人曾俊華噚日喺facebook專頁上載太太黃蓮華拍片支持佢嘅片段，曾太笑言唔覺得丈夫浪漫，老公亦未曾講過「嗰三個字」，但就會含蓄地表達，例如喺大學時自製圖文並茂嘅「情書」，記載二人拍拖點滴。曾太又大讚丈夫處理事情及解決問題能力好高，對佢「非常佩服」，「既然佢有呢個（參選）使命，我覺得佢會努力去做」。