【明報專訊】特首參選人葉劉淑儀當年被麒麟飛撞一幕，令麒麟知名度大增，其實舞麒麟係客家人嘅賀年活動之一，2014年更被列為國家級非物質文化遺產。坑口區聚居咗唔少客家人，坑口鄉事委員會噚日就喺將軍澳舉辦「麒麟醒獅慶新春」活動，有9隊客家麒麟隊獻技之餘，亦有麒麟體驗區，唔少小朋友都到場試舞麒麟。