【明報專訊】立法會保安事務委員會一眾議員噚日去咗參觀位於將軍澳百勝角嘅消防及救護學院，議員仲近距離感受熊熊烈火，著起消防裝備「黃金戰衣」，感受消防員背負嘅「重量」。一眾議員亦「勇闖」將軍澳線「神秘車站」，即「百勝角站」，參觀呢個模擬鐵路站嘅救援訓練場，大家去到「神秘車站」，個個掛住自拍留影，好似學生去旅行咁雀躍。