【明報專訊】立法會議員羅冠聰因為2014年闖入政府總部「公民廣場」被檢控，早前被法庭判處社會服務令120小時，阿聰就話，要返學同開會，並需每周抽一日去做社會服務，形容自己「一臉倦容」。不過阿聰都算好彩，唔使去戶外做粗重工作，而係被分配去到一間盲人圖書館「擔擔抬抬」，工作似圖書館管理員，除咗「收書出書」，近期圖書館裝修，佢都幫吓手執頭執尾。