【明報專訊】由香港青年藝術協會主辦嘅「渣打藝趣嘉年華夜光巡遊」將於12及13日（周六、周日）喺銅鑼灣一帶舉行，噚晚主辦單位就喺白沙道舉行咗一場預演，將莎士比亞名作《仲夏夜之夢》嘅角色化身成4米高嘅大型燈籠戲偶，戲偶身上配備近千粒小型LED燈泡，為銅鑼灣晚上帶來五光十色嘅表演，一眾演員亦穿上有LED燈泡嘅花仙子同小蝴蝶服飾，與途人同樂，街頭氣氛十分熱鬧！