【明報專訊】唔少港人近年鍾意上短租平台Airbnb租民宿外遊，隨住Airbnb進駐中國大陸開分公司，噚日有眼利網民發現，Airbnb網站修訂咗私隱條款，指自今年12月7日起，中國用戶嘅資料就會傳送同儲存喺中國伺服器，即係包括姓名、電話號碼、租房地址、瀏覽紀錄等。中文條款仲講明適用於中國「包括香港、澳門同台灣」。