【明報專訊】立法會開鑼，議員先要宣誓，無論男定女，唔少人都刻意執過吓、襯過衫先現身立法會，好似公民黨陳淑莊（Tanya）同民建聯蔣麗芸（Ann姐），噚日不約而同都著黑色連身裙現身，其中Ann姐著黑白色有旗袍領、仲有啲透視嘅裙，外加一件黑色西裝型外套；Tanya就著件黑色荷葉袖衫。Tanya同Ann姐雖然政見唔同，但一見到對方就互相大讚對方好靚，講得興起仲一度手拖手咁傾偈。