【明報專訊】現屆立法會議員會喺今個星期五（30日）卸任，公民黨黨魁梁家傑（傑哥）也忙於執拾立法會嘅辦公室，準備「交吉」畀接班人譚文豪。傑哥話，要執拾12年來儲落嘅物品一啲都唔容易，仲煩緊點處置多年來收到嘅大批紀念座及錦旗等。不過，有兩樣物品一定要保存好，包括佔領運動時擋過催淚彈嘅眼罩，以及2007年參選特首時出版嘅珍藏特刊。