【明報專訊】政府前日就橫洲發展爭議開記者會解畫，建制同非建制陣營回應立場時有針鋒相對，特別係民建聯議員梁志祥牽涉喺事件中。噚日民建聯主席李慧琼（左）同候任立法會議員朱凱廸（右）等齊齊上港台節目，其間大家都拗得幾面紅耳熱，好有火花。不過唔同立場唔代表無得溝通嘅，本報攝影記者就影到李慧琼同朱凱廸喺節目後交換電話，仲笑咪咪咁，唔通係想「摸底」？Emily就覺得，大家就嚟做立法會同事，有電話方便聯絡都好正常。