【明報專訊】有番「咁上下年紀」、又玩過「膠劍仔」嘅你，要留意喇！香港郵政噚日宣布推出以「香港玩具——1940至1960年代」為題嘅特別郵票同集郵品，重現6款經典玩具，畀市民重拾童年回憶。值得留意嘅係，除咗郵票，另外推出一款內附3套郵票嘅小版張同兩款紀念套摺，紀念套摺內附一套膠劍仔（見圖）或紙公仔。嘩，坐喺Emily隔籬嘅男同事都話超吸引，真係童年回憶即時返晒嚟呀。