【明報專訊】泛民立法會「超級區議會」議席協調瀕臨胎死腹中，繼新民主同盟黨內早前通過唔會參與初選，打算為民協披甲上陣嘅成員何啟明，噚日出席傳媒茶敘時就同Emily表明「去意已決」，即係會去馬咁話。民協近期一直推動協調，但最終都未肯「犧牲小我」，何啟明噚日解畫，話打算參選係希望表達民協嘅路線，「我哋有我哋嘅存在價值」，又話對新民主同盟失望，因為對方當年係因為反對超區議席先成立，亦質疑民主黨派兩隊選超區係咪「為大局」。