【明報專訊】社民連議員梁國雄（長毛）成日帶唔同花款道具示威，不過有時玩得太過火都要付出金錢代價。長毛上個月喺財會審議高鐵追加撥款期間，因不滿「剪布」，突然向主席陳鑑林潑墨水，身邊嘅秘書處職員同保安不幸中招，會議室地氈都留下墨迹。行管會主席曾鈺成噚日就去信長毛，對佢潑墨及拋擲物品行為作出嚴正警告，要求唔可以再做出任何可能導致會議人員受傷和財物受損嘅行為。主席又要求長毛支付清洗及更換被弄污物品費用，合共4800元。