【明報專訊】港龍航空早前易名「國泰港龍航空」，Emily收到風，今日會有第一班印有國泰港龍新標誌嘅航機，由香港飛往北京。不過，大家暫時會同時見到新舊標誌嘅港龍航機，港龍行政總裁丘應樺同Emily講，為飛機機身塗裝新標誌，每部機要逾100萬元，故港龍會分階段、喺每6年一次定期為飛機重上油漆時改標誌。今年會率先塗裝9部，預計2019年可將全數42部飛機換上新標誌。塗裝後港龍標誌性嘅火紅色「香港飛龍」會移向機首，而機尾就會換上深紅嘅國泰「翹首振翅」標誌。