【明報專訊】新一屆區議會去年11月塵埃落定，但係東區太古城西當選嘅趙家賢近日就好唔順氣，原來佢嘅對手吳志隆，最近獲建制派推薦及支持，獲選入區會轄下嘅地區設施管理委員會做增選委員，噚日開會仲坐正趙家賢對面。趙家賢話，對手參選時標榜獨立，但其後區會搵增選委員，工聯會議員就提名吳志隆，而民建聯就和議，結果區議會以文件傳閱方式表決，以17對7票通過委任。趙家賢於是形容對手係「SuperTony」，Tony係吳志隆嘅英文名。