【明報專訊】北京近期對港大吹暖風，特首梁振英（CY）都緊跟風向大談和諧。佢噚日喺金鐘添馬公園主持「欣賞香港‧服務香港日」開展禮，致辭時就話希望透過「欣賞香港」凝聚社會各界，發揮同舟共濟、守望相助嘅香港精神，又讚揚主辦團體致力為政府促進社會和諧，貢獻良多。CY仲引用競選特首時嘅口號，話社會未來有機遇有挑戰，但只要「齊心」一志，就可以克服困難，再創佳績。