【明報專訊】早前維珍航空員工「野貓式」罷工，Emily留意到協助佢地嘅係香港空勤人員總工會，總幹事吳敏兒就係英航香港機艙服務員工會嘅主席。原來，本地3間空中服務員工會，包括英航工會、國泰航空公司空中服務員工會及港龍航空公司空勤人員協會，上月正式一同創立咗「香港空勤人員總工會」，6月會正式選出理事會。未來除咗繼續協助一眾空服員爭取權益，仲會關注嚟緊嘅立法會選舉，同埋全民退保等社會議題。