【明報專訊】近年有好多少數族裔喺香港落地生根，視香港為家，為咗推廣種族平等，平等機會委員會噚日就舉辦多元共融活動，邀請唔同種族嘅人表演，有啲仲著住家鄉傳統服飾載歌載舞。平機會主席周一嶽致辭時話，即將會公布《歧視條例檢討》公眾諮詢結果同法律改革建議，亦希望各界捍衛香港多元共融嘅核心價值。