【明報專訊】一向衣著另類、曾參選去年區議會選舉而敗選嘅中出羊子（圖），噚日就喺網媒《輔仁媒體》發表文章，話有意9月參選立法會選舉，仲列埋競選政綱，講明要「香港國民 建業立邦」。曾獲國師陳雲「冊封」為「城邦昭明公主」嘅中出羊子，回覆《明報》查詢時就表示，暫時傾向選新界東，如果係咁就麻煩喇，因為國師日前又話想去新東選，而本土民主前線梁天琦又喺新東有支持，中出羊子今次唔通連國師都無面畀？