【明報專訊】本土民主前線梁天琦近期人氣都幾高，而本土派同民主黨一向道不同，前者聲稱自己係「勇武」，而後者堅持「和理非」，而民主黨總幹事林卓廷就唔知驚，噚日喺facebook挑機。事緣梁天琦日前接受傳媒訪問，話「好唔like民主黨」，又話唔排除喺9月立會選舉時狙擊民主黨。阿廷就好大膽，上載呢篇報道，然後留言話，「唔知狙擊有無底線嘅呢？包唔包擲磚？我使唔使跟國師學自製盾牌呢？」