【明報專訊】噚日立法會繼續審議被網民稱為「網絡23條」嘅版權修訂條例草案，會議廳內唇槍舌劍，不過，「體育、演藝、文化及出版界」議員馬逢國可能怕大家太悶，所以爆笑料。佢作為演藝界代表，發言時支持條例，以香港作曲家及作詞家協會（CASH）做例，話CASH有4000幾個會員，唔係大財團，出名嘅會員有「已經離開咗我哋嘅顧嘉煇、黃霑作曲作詞人」，亦有寂寂無聞嘅年輕創作人。