【明報專訊】猴年將至，香港郵政將推出一套4款以「歲次丙申（猴年）」為主題嘅特別郵票，郵票上印有唔同形態嘅馬騮仔，仲有各式賀年圖案同吉祥物點綴，寓意新一年豐衣足食。郵政署又會推出郵票小型張「十二生肖金銀郵票小型張——吉羊靈猴」，同大家送羊迎猴，小型張郵票以銀箔同22K鍍金金片燙壓而成，非常矜貴。兩套郵票都會喺本月16號開始發售。