【明報專訊】食物及衛生局長高永文今個月初參加長跑比賽時，起跑無耐就畀細路仔絆倒受傷，要縫針兼休養。署理食衛局長陳肇始噚日出席活動，Emily當然趁機關心吓局長傷勢。陳肇始話高永文暫時仍喺屋企休息，傷口已經拆線，佢與同事仲不時有聯絡傾吓工作。Emily都好佩服局長咁投入，連放病假都放唔低個擔子。高永文嘅新聞秘書其後確認，高醫生今日就會返政總復工。