【明報專訊】泛民、建制派在立法會不時針鋒相對，拉布問題亦搞到建制派好不滿，但時不時同拉布議員嗌大交嘅民建聯蔣麗芸（Ann姐），噚日就成功團結跨黨派嘅立法會議員，可以話係非常難得。Emily講緊嘅係，Ann姐提出有關「強化職業教育」嘅無約束力議案，喺52票贊成、0票反對、0票棄權嘅高票下通過，即使係其他議員提嘅修正案亦全數喺無人反對下通過，可以話係近年罕見。