【明報專訊】立法會財委會上周五通過創科局撥款，財委會主席陳健波大刀闊斧「剪布」；佢噚日出席商台節目時批評拉布「神憎鬼厭」，提議可考慮以扣減議員薪酬及開多啲會等方法抗衡拉布，仲大罵香港選舉畸形。主持反問，用選票係咪可以「懲罰」拉布議員？但波哥就直指現時香港選舉「畸形」，「佢（候選人）可能2萬票3萬票已經（當選）得啦嘛。我講嘢太過直，希望大家原諒」。