【明報專訊】雖然𠵱家已經10月，但天氣仍然好熱，民主黨主席劉慧卿噚日去立法會開會着住短袖衫，一眾記者發現佢左右手都有一大幅公仔圖案，大家都好奇，唔通卿姐學人紋身？原來卿姐上星期日出席「圖騰跑」做嘉賓，佢當然無落場跑，但大會就幫佢用印水紙將圖騰印喺雙手，點知過咗咁多日都仲未洗得甩。