【明報專訊】大得仲記唔記得Alex+Lester=Alexter？學聯前秘書長周永康（Alex）同副秘書長岑敖暉（Lester）昔日喺金鐘佔領區係「萬人迷」，每次現身都吸引到好多少女要同佢哋影相；一年過去，兩人噚日現身金鐘佔領運動一周年集會，仍有唔少女士搵佢哋合照。佢哋唔使再喺台上以領袖身分面向人群，反而可以輕鬆地喺台下派傳單，周永康笑言腳踏實地嘅感覺好好。